Anfisa Zinyeddin

Anfisa Zinyeddin

NNN

Agla qərənfilim agla

20 Ocak 2020 - 12:09

Agla qərənfilim agla

Mənsizlikdə şamtək hey əriyən,

Yollarımı hələ də gözləyən,

Gözləməkdən heç bezməyən

Sevglimi görsən ağla!

Ağla, qərənfilim, ağla!

Mənsiz qalan bu yollara

Baxıb ağla, baxıb ağla!

Qara örpəyində gəzən,

Göz yaşını gizlin silən,

Həsrətdən beli bükülən

Anama qoşul agla,

Ağla, qərənfilim, ağla!

Mənsiz qalan bu yollara

Baxıb ağla, baxıb ağla!

Cavan ömrü başa vuran,

Haqsızlığa şahid olan,

Vətən üçün keçən candan

Oğullara baxıb ağla!

Ağla, qərənfilim, ağla!

Mənsiz qalan bu yollara

Baxıb ağla, baxıb ağla!

Toy-mağardan uzaq qalan,

Şəhid qanına boyanan,

Şəhidləri xatırladan

Qərənfilləri sevib ağla!

Ağla, qərənfilim, ağla!

Mənsiz qalan bu yollara

Baxıb ağla, baxıb ağla!