3 ARALIK ENGELİLLER GÜNÜ BAKÜDE KUTLANDI

Əlilliyi olan insanlar 3 Dekabr - Beynəlxalq Əlillər Gününü belə qeyd etdi

                  Məlumdur ki, BMT Baş Assambleyasının 1992-ci il 14 dekabr qətnaməsinə əsasən bütün

dünyada 3 Dekabr - Beynəlxalq Əlillər Günü kimi qeyd edilir. "Beynəlxalq Əlillər Cəmiyyəti"

İB (BƏC İB) və "Əlillər Dünyası" qəzeti kollektivi də hər il ənənəvi olaraq birgə Beynəlxalq

Əlillər günü ilə bağlı tədbirlər həyata keçirib. Eləcə də hər il Ulu öndərin anım günü və doğum

gününü də qeyd ediblər.

Bu il koronavirusla əlaqədar pandemiya dövrünə təsadüf etdiyindən "Beynəlxalq Əlillər

Cəmiyyəti" İB-in bir qrup üzvü həm Ulu öndərin anım gününü, həm Vətən müharibəsində

qazanılmış möhtəşəm qələbəni, həm də əlilliyi olan insanların gününü açıq havada qeyd etmək

qərarına gəldi. Belə ki, bu gün onlar birinci Fəxri Xiyabanın qarşısında toplaşaraq əvvəlcə Ulu

öndərin məzarını ziyarət etdilər. Ulu Öndərin, Zərifə xanımın, Əziz Əliyevin və Tamerlan

Əliyevin məzarları üzərinə çiçək dəstələri düzdülər. Sonra tədbir iştirakçıları Şəhidlər

Xiyabanında və Türk Qardaşlıq Məzarlığında uyuyan şəhidləri ziyarət etdilər.

"Beynəlxalq Əlillər Cəmiyyəti" İB-in sədri Tahir Xudiyev qeyd etdi ki, 3 Dekabr-

Beynəlxalq Əlillər Gününü qeyd etməkdə məqsəd cəmiyyətin diqqətini əlilliyi olan insanların

mövcud problemlərinin həllinə yönəltməkdir. Onların ləyaqətlərinin qorunmasına, hüquqlarının

müdafiəsinə, sosial rifahlarının yaxşılaşdırılmasına, həyata inteqrasiya olunmalarına nail

olmaqdır.

BƏC İB-in Qarabağ Regionu üzrə Nümayəndəliyi Tərtər şəhərində yerləşir.

Nümayəndəliyin rəhbəri, birinci Qarabağ müharibəsi veteranı, təqaüddə olan polis əməkdaşı

Həsənağa Bayramov xüsusi olaraq bugünkü tədbirdə iştirak etmək üçün Bakı şəhərinə gəlmişdi.

O, möhtərəm Prezidentimiz İlham Əliyev cənabların Ulu Öndərin layiqli davamçısı olduğunu

bildirir.

"Vətən Uğrunda Hərəkat" İctimai Birliyinin sədri, birinci Qarabağ müharibəsinin sabiq

hərbi hissə komandiri Xudu Xudiyev əlilliyi olan insanların həmişə olduğu kimi bu gün də

dövlət başçımızın ətrafında sıx birləşdiyini söylədi.

Tədibr iştirakçıları Cəmiyyətin Ağsaqqallar Şurasının üzvü, 2-ci qrup əlil Dilsuz

İsmayılov, BƏC İB-in İdarə Heyəti üzvü, AMEA-nın əməkdaşı Xatirə Cabbarzadə, İdarə

Heyəti üzvü Riad Sulatanov, BƏC İB Əfqan Döyüşçüləri Şöbəsinin rəhbəri Saleh Qarayev,

Cəmiyyətin fəal üzvü, 2-ci qrup Qarabağ müharibəsi əlili, ehtiyatda olan polkovnik Elşən

Məhərrəmov əlilliyi olan insanların problemlərinin daima dövlətin qiqqət mərkəzində olması

barədə fikirlərini bildirdilər. Eləcə də bütün şəhidlərimizin ruhuna ehtiramlarını ifadə etdilər.

"Beynəlxalq Əlillər Cəmiyyəti" İB-in üzvü, professional operator Zemfira xanım

Hüseynova İB-in bütün tədbirləri kimi bugünkü tədbiri də kameranın yaddaşına köçürdü.

BƏC İB-in İdarə Heyəti üzvü, 1-ci qrup əlil Saleh Əzizli yüksək natiqliq qabiliyyəti,

səmimi ürək sözləri ilə hamını valeh etdi. Ulu öndərin və bütün şəhidlərimizin ruhunu yad etdi.

BƏC İB-in üzvlərinin öz fəaliyyəti ilə xalqın sevgisini qazanan möhtərəm Prezidentimiz İlham

Əliyevin apardığı siyasəti daima dəstəklədiyini vurguladı.

BƏC İB-in üzvü, 1-ci qrup əlil, Qarabağ veteranı Cahid Sabiroğlu Ulu öndərin və bütün

şəhidlərin ruhunu yad edərək ehsan payladı.

BƏC İB İdarə Heyəti üzvü, Türkyə üzrə kordinatoru Furqan Babayev Türkiyədə

yaşamasına baxmayaraq bugünkü tədbirin keçirilməsinə o da öz bacardığı köməkliyi göstərdi.

Tahir Xudyev şanlı ordumuzun Azərbaycan torpaqlarını işğalçı erməni terrorçularından

azad etmələri barədə xüsusi olaraq onu bildirdi ki, cəmi 44 gün çəkən Vətən müharibəsində

qazanılmış bu möhtəşəm qələbə ilə Azərbaycan erməni hərbi birləşmələrinin Azərbaycan

torpaqlarını qeyd-şərtsiz tərk etmələri barədə BMT Baş Assambleyasının qəbul etdiyi və 30

ildə Ermənistan tərəfindən icra olunmayan 4 məlum qətnaməsini icra etmiş oldu. Bu qələbənin

qazanılmasında bütün şəhidlərimizə Allahdan rəhmət diləyir, yaralılara şəfa arzulayırıq. Bundan

başqa bizə mənəvi dəstək olan qardaş Türkiyə Cümhuriyyətinin Prezidenti cənab Rəcəb Tayyib

Ərdoğana və Pakistan Dövlətinin Baş Naziri cənab İmran Xana dərin minnətarlığımızı

bildiririk.

Qazanılmış bu qələbəyə görə Prezidentimiz və Ali Baş Komandanımız İlham Əliyev

cənablarının ən yüksək fəxri ad və ordenlə təltif edilməsi üçün "Beynəlxalq Əlillər Cəmiyyəti"

İB-in 100-lərlə üzvləri adından aidiyyəti təşklatlara rəsmi müraciət edilmişdir.

Tədbir ATV, Lider TV, Azərtac və digər KİV-lərdə işıqlandırılmışdır. Tədbirdə İctimai

Birliyin üzvləti ilə yanaşı Prezident Aparatı, Müdafiə Nazirliyi və digər təşkilatların

nümayəndələri də iştirak edirdilər. İB-in üzvləri bu gün səhər saatlarında Şəhidlər Xiyabanında

növbədə olan Səbail Rayon Post Patrul Xidmətinin əməkdaşlarına əlilliyi olan insanlara

göstərdikləri diqqət və qayğıya görə dərin minnətdarlıqlarını bildirdilər.

Məlahət Abdullayeva

03.12.2020

https://azertag.az/xeber/Veten_mudafiechilerinin_doyus_meydaninda_gosterdiyi_sucaet_ve_qe

hremanliq_hemise_qelbimizde_yasayacaq-1657233

https://azertag.az/xeber/1657147