Baküde engelilelr günü
İctimai Birlik "3 Dekabr-Beynəlxalq Əlillər Günü" ilə bağlı tədbir keçirdi 'Beynəlxalq Əlillər Cəmiyyəti' İB (BƏC İB) "Əlillər Dünyası" qəzeti ilə birgə artıq bir neçə ildir ki, "3 Dekabr-Beynəlxalq Əlillər Günü" ilə əlaqədar tədbirlər həyata keçirir. B
İctimai Birlik "3 Dekabr-Beynəlxalq Əlillər Günü" ilə bağlı
tədbir keçirdi
“Beynəlxalq Əlillər Cəmiyyəti” İB (BƏC İB) "Əlillər Dünyası" qəzeti ilə birgə
artıq bir neçə ildir ki, "3 Dekabr-Beynəlxalq Əlillər Günü" ilə əlaqədar tədbirlər
həyata keçirir.
Bu il də ənənəvi olaraq İctimai Birlik 30 noyabr tarixində əməkdaşlıq etdiyi
"Xəzər" Universitetində "3 Dekabr-Beynəlxalq Əlillər Günü" ilə bağlı tədbir keçirdi.
Tədbirdən əvvəl “Beynəlxalq Əlillər Cəmiyyəti” İB İdarə Heyətinin hecabat
xarakterli yığıncağı keçirildi. İdarə Heyətinin üzvü Məlahət Abdullayeva İctimai
Birliyin gördüyü işlər barədə məruzə etdi. İctimai Birliyin ümumi fəaliyyəti iştirakçılar
tərəfindən müsbət qəbul edildi.
Hesabat yığıncağından sonra Universitetin "Mərmər zalı"nda "3 Dekabr-
Beynəlxalq Əlillər Günü" ilə bağlı keçirilən tədbiri giriş sözü ilə açan İctimai Birliyin
sədri Tahir Xudiyev bildirdi ki, 3 dekabr– Beynəlxalq Əlillər Günü bayram günü
deyil, aidiyyəti dövlət və qeyri-dövlət təşkilatlarının, bütövlükdə cəmiyyətin diqqətini
bu qəbildən olan insanların mövcud problemlərinin həllinə yönəltməkdən ibarətdir.
Əlilliyi olan şəxslərin ləyaqətinin qorunması, hüquqlarının müdafiəsi və sosial
rifahının yaxşılaşdırılması üçün zəruri olan bütün dəstəyi səfərbər etmək, onların
cəmiyyətə fəal şəkildə inteqrasiyasına nail olmaq lazımdır. İctimai Birlik də fəaliyyət
göstərdiyi zaman ərzində əlilliyi olan insanların sosial problemləri ilə maraqlanmış,
monitorinqlər keçirmiş, aidiyyəti təşkilatlara əlilliyi olan insanların sosial rifahının
yaxşılaşdırılması məqsədi ilə təkliflər irəli sürmüşlər.
Tədbirdə qonaq qismində iştirak edən respublikanın xalq artisti, professor,
dünya şöhrətli tarzən Ramiz Quliyev həmin günə 6 tədbirə dəvət almasına
baxmayaraq, bu tədbirə qatılmaqla əlilliyi olan şəxslərlə birgə olmağa üstünlük
verdiyini söylədi.
BƏC İB İdarə Heyəti üzvü, yazıçı-publisist, Azərbaycan Yazıçılar Birliyinin
üzvü, Prezident mükafatıçısı, 1-ci qrup əlil Rasim Gənzəli, Müdafiə Nazirliyi
Mənəvi-Psixoloji Hazırlıq və İctimaiyyətlə Əlaqələr İdarəsinin müşaviri Zümrüd
Səmədova, İctimai Televiziya və Radio Verilişləri Şirkətinin Şöbə müdiri Kamil
Məhərrəmov çıxış edərək “Beynəlxalq Əlillər Cəmiyyəti” İB-in fəaliyyətini yüksək
qiymətləndirmiş və gələcək fəaliyyətində uğurlar arzulamışlar.
BƏC-in Hüquqi işlər üzrə təlimatçısı, ədliyyə müşaviri Fərman Rzayev öz
çıxışında yüksək dövlət vəzifəsində çalışmasına baxmayaraq, vətənimizin
müdafiəsini vacib saydığı üçün ərazi bütövlüyü uğrunda gedən döyüşlərdə iştirak
edərək ağır yaralanaraq əlil olmuş insan kimi bu qəbildən olan insanları daha
yaxından başa düşdüyünü, onlara daima diqqət və qayğı göstərilməsinin vacibliyini
vurğuladı.
BƏC İB-in üzvü, müğənni Kamil Ağazadə və İB-in Mədəniyyət şöbəsinin
uşaqlardan ibarət rəqs qrupu, 1 saylı Psixiartiya Xəstəxanasının pasiyentlərindən
ibarət pantomim teatrı, Xalq artisti Mənsum İbrahimovun tələbələri, BƏC İB-in
üzvü, 1-ci qrup gözdən əlil Allahverdi Əhmədov, 1-ci qrup gözdən əlil, şairə Ülkər
Atəş, 2-ci qrup əlil Nərgiz Məmmədova bir-birindən gözəl ifaları ilə tədbirə xüsusi
rəngarənglik gətirdilər.
Tədbirdə Dini Qurumlarla İş üzrə Təşkilat Komitəsinin əməkdaşı Orxan
Masayev, Daxili İşlər Nazirliyinin əməkdaşları, Nizami Rayon Polis İdarəsinin
Rəis müavini Zaur İsayev, Səhiyyə Nazirliyinin əməkdaşı Nurəddin Abdullayev,
Nəqliyyat, Rabitə və Yüksək Texnologiyalar Nazirliyinin əməkdaşı Nərgiz
Əliyeva, ƏN Penitensiar Xidmətinin əməkdaşı Süleyman Salayev, Ailə, Qadın
və Uşaq Problemləri üzrə Dövlət Komitəsinin əməkdaşı Ramin Fərəcov, AMEA
HİHİ-nun Direktor müavini, professor, BƏC İB İdarə Heyəti üzvü Lalə Əhmədova,
AMEA Həmkarlar İttifaqınin sədr müavini Samirə Hacıyeva, Səhiyyə Nazirliyi 1 saylı
Respublika Psixiatriya Xəstəxanasının nümayəndə heyəti, Malayziya səfirliyinin
səlahiyyətyli nümayəndəsi xanım Azri Hazvani Abdul- Aziz, Qırmızı Xaç Cəmiyyətinin
əməkdaşı Leyla Həsənova,"Loqos" Psixoloji Mərkəzin Baş psixoloqu Elmira
Mirzəyeva, BƏC İB Mətbuat Xidmətinin əməkdaşı, "Həkəri" qəzetinin Baş redaktoru
Rauf İlyasoğlu, ŞAYHM-ın sədri Rövşən Ağamalıyev, "Mina Qurbanlarının Sosial və
İqtisadi Problemlərinin Həllinə Kömək" İB-in Sədri Məmmədhəsən Həsənov,
"Qarabağ Əlilləri və Veteranları" İB-in Sədri, Azərbaycanın ilk snayper qadını
Növrəstə Yusifova, "Beynəlmiləlçi Əlil Döyüşçülər Fondu"nun prezidenti Sərraf Orucov
və bir çox səfirliklər və beynəlxalq təşkilatlar, QHT, KİV və ictimaiyyət nümayəndələri,
şəhid ailələri, əlilliyi olan insanlar iştirak edirdilər.
Bundan əlavə tədbirdə əlilliyi olan insanların əl işlərinin satış-sərgisi nümayiş
olundu.
Qeyd edək ki, əməkdaşlıq etdiyimiz "Xəzər" Universitetinin
Psixologiya Departamentinin koordinatoru, Xəzər Psixoloji Xidmət Mərkəzinin
direktoru Mələk Kərimova tədbirin təşkilində böyük dəstək göstərdi.
Məlahət Abdullayeva
"Əlillər Dünyası" qəzetindən